चीनले पाकिस्तान र अफगानिस्तानलाई वार्ता र परामर्शको माध्यमबाट मतभेदको समाधान जारी राख्न आह्वान गरेको छ। चिनियाँ विदेश मन्त्रालयका आधिकारिक प्रतिनिधि गुओ जियाकुनले उक्त कुरा बताउनुभएको हो।
गत डिसेम्बर ५ मा अफगान र पाकिस्तानी सशस्त्र सेनाबीच गोली हानाहान हुँदा सर्वसाधारणको ज्यान गएको समाचारमा टिप्पणी गर्न सोध्दा उनले मन्त्रालयको नियमित पत्रकार सम्मेलनमा यस्तो अभिव्यक्ति दिएका हुन् ।
गुओ जियाकुनले पाकिस्तान र अफगानिस्तान लामो समयदेखि चीनका मित्रवत् छिमेकी रहेको र एकअर्काबाट टाढा रहन नसक्ने छिमेकी पनि भएको बताए ।
चिनियाँ विदेश मन्त्रालयका प्रतिनिधिका अनुसार चीन पाकिस्तान र अफगानिस्तानबीचको सम्बन्ध सुधार र विकासमा रचनात्मक भूमिका खेल्न अन्तर्राष्ट्रिय समुदायसँग सहकार्य गर्न तयार रहेको अनलाइन वेबसाइट पिपुल्स डेलीले लेखेको छ।
यसअघि रिपोर्ट गरिएअनुसार चीनले पाकिस्तान र अफगानिस्तानबीच भएको युद्धविराम सम्झौताको स्वागत गरेको थियो।
