जियो : पाकिस्तानको सपिङ मलमा आगलागी हुँदा मृत्यु हुनेको संख्या ६७ पुगेको छ

इस्लामावाद, २२ पुस । जियो टिभी च्यानलले स्थानीय अधिकारीहरूलाई उद्धृत गर्दै दक्षिणी पाकिस्तानको कराँचीस्थित गुल प्लाजा सपिङ सेन्टरमा भएको आगलागीमा मृत्यु हुनेको संख्या ६७ पुगेको जानकारी दिएको छ।

जनवरी १७ को साँझ कराँचीको घनाबस्तीमा रहेको सपिङ कम्प्लेक्सको भुईं फ्लोरमा आगलागी भएको थियो । आगो तेस्रो दिन मात्रै पूर्ण रुपमा निभिएको थियो ।

यसअघि करिब ६० जनाको मृत्यु भएको बताइएको थियो । चिकित्सकका अनुसार हालसम्म दुर्घटनामा परेका १५ जनाको सनाखत भइसकेको छ । घटनास्थलमा खोजी तथा उद्धार कार्य जारी छ । भग्नावशेषमुनि 80 जना भन्दा बढी मानिसहरु परेको हुनसक्छ ।

टिभी च्यानलले उल्लेख गरे अनुसार प्रारम्भिक अनुसन्धानको नतिजाले घटनाको कारण विद्युत सर्ट सर्किट भएको धारणालाई अस्वीकार गरेको छ। अनुसन्धानकर्ताहरूले पत्ता लगाए कि आगलागी कृत्रिम फूल पसलमा भएको थियो जहाँ बच्चाहरू खेलिरहेका थिए। आगो नियन्त्रणमा लापरबाहीका कारण आगलागी भएको हुनसक्ने अनुमान गरिएको छ ।

पाकिस्तानमा रहेको रुसी दूतावासले इस्लामिक गणतन्त्रका जनताप्रति दुःख व्यक्त गरेको छ ।