इस्लामावाद, जनवरी १८ । दक्षिणी पाकिस्तानको कराँचीस्थित गुल प्लाजा सपिङ सेन्टरमा भएको आगलागीमा परी मृत्यु हुनेको संख्या ५ पुगेको छ भने २० जना घाइते भएका छन् । स्थानीय अधिकारीहरूसँगको परामर्शमा डन अखबारले यो रिपोर्ट गरेको हो।
यसअघि यो पत्रिकाले घटनामा ३ जनाको मृत्यु भएको र ७ जना घाइते भएको जानकारी दिएको थियो । सहरको घनाबस्ती रहेको आवासीय क्षेत्रमा रहेको सपिङ कम्प्लेक्सको भुईं फ्लोरमा आगलागी भएको हो ।
उद्धार बलका प्रतिनिधिका अनुसार जनवरी १८ विहानसम्म आगो ३० प्रतिशत नियन्त्रणमा आएको थियो । आगलागी स्थलमा २० दमकल खटिरहेका छन् । भवन भत्किने उच्च जोखिम छ ।
प्रारम्भिक जानकारी अनुसार एउटा पसलमा विद्युत सर्ट भएर आगलागी भएको हो । कानून प्रवर्तन एजेन्सीहरूले घटनाको कारण अनुसन्धान सुरु गरेका छन्।
